طاروق الشاعر فهد والشاعره العنود

ليت بعض الناس يهرج اخير من السكوت
ليش لجل انعرف هذا رجل ولا مرا
دايم الكوره بملعب فهد لازم يشوت
لو تضيق صدورها مستحيل انظر ورا
فهد


لو سكتنا ما شعرنا وغنينا البيوت
والخوفي عند رب البريه والبرااااا
بين لبس البذله وبين تقليد البشوت
كلنا يدن وحيده وفالشعر اخشرااا
العنود



مطّيب الأشعار لا دندن الشاعر ب صوت
والله الساتر على اللي تدحدر من كرا
لو تفوت الفايته عندنا ماهي تفوت
نملك اللي نملكه لو درا اللي مادرا
فهد




لا رفعت الصوت يانخونك اكبار البخوت
والا انا بنت البدو من مشايخ واومرا
نيتك قامت تسابق على الدرب الفروت
لو تطول القصه ابجيب حارس للقرى
العنود





ابك انا حرٍ ولاني بصيده عنكبوت
يوم شفت اميره القصر ذابحها الذرا
نيتي من منيتي اصدمي سيلن نحوت
 من يطب السوق يحسب حساب المشترا
فهد





المسالم في عدن والخبيث ابحضرموت
فرق عن اللي لقى الامن كله في حرا
لو  تدس  السم  يالنوخذه  للجيلبوت
والله ان تسري مع الهم لا شفته سرا
العنود




الزمن دوّار والحي لابده يموت
من يريد الايمنا ما يريد الايسارا
يا العنود اجازتك يوم فندق ماريوت
من حسابي تسكنينه بلا دفع و ثرا
فهد