طاروق الشاعر الفهد والشاعر سعود

على الهون يالاجواد والعالم ذهون
ونا شوف وضع الروم ماهوب عادي
تراء العبد مكتوبه من الله بيكون
وتراء النار ماهي ترث الى الرمادي
الفهد

على الهون وانته ياعميل على الهون
تراء الوضع مابه شي والجو هادي

توكل بربك يافهد خالق الكون
وحط الفتيله عند خشم الزنادي
سعود


انا ماعلي يا سعود من ناس يدبون
كثير العرب فكره مع الناس غادي
ماهو يعرف الجره سوا اللي يقصون
يقصونها بالثر والفجر بادي
الفهد

يعيش الخبيث بحسره ومات مغبون
وعساء الله يعز اللي بطهر الشدادي

مدام الرحاه ادور الرمح مسنون
ماشلنا الهموم ولا تزكنا المبادي
سعود

انا ما علي من دمعت اللي ما يبكون
ومن جاد ياهل الجود ما قال جادي
صحيح انهم بالوضع ماهم بيدرون
وشهر رمضان غير شهر الجمادي
الفهد

وانا وش عليه من رجالً يهيمون
وتلقالهم جره وراء كل وادي

ولا يافهد لا تسمع لعلم مجنون
وانا خابرك فارس وراعي جوادي
سعود

ونا ماعلي والراس به خشم وعيون
ولو صادها ياسعود قلت الك صادي
كثير العرب يا سعود قامو يغنون
وهو عنتره والصدق مابه عتادي
الفهد

زبيده عطاها الحظ من مال هارون
وانا ماني بواقف لرزق العبادي

طموحات بعض الخلق قافين ولحون
وتال الزمن صار سوات الجرادي
سعود

زمان ن يعز الاش والوقت له عون
وضرب العليمي غير ضرب العوادي
ودخل العرب ياسعود محدود باشون
ولاكن بيض الصحف فيها سوادي
الفهد