طاروق الشاعره العنود والشاعر صفق الهوى

نياقكم  ياعتيبه  الهيلا  غدت  حول  المراح
وانياق حرب ان روحت راحت مراويح القطا

ياحظ  من  بيع  حلاله  ثم  ريح  واستراح
يومن بان اللي خذاه الله وهو اللي عطاااا
العنود



حلالنا  مضمون  لو انه  غدا  عنا  وراح
ياحرب حنا غير حتى الذيب فيها ما سطا

هاذي طراة الروح يوم الجوع والسم الذحاح
من دونها كم شيخ قومن سال دمه فـ الوطا
صفق




راحت تدور ريشة الحميض من بين  القلاح
ما تدري ان الشوق هز البدو من بعد البطا

فاللي مضى ما دونها عيشه  هنيه  او فلاح
وفي وقتنا الحاليّ من عنده جمل رايح لطا
العنود


ماشاقها الا يوم سار المزن والبراق لاح
والله هو الرزاق يوم الادمي شح العطا

البل عظام المال من عهد المشّوك والرماح
وفي وقتنا فزنا بها ..وياهييه!! فاهمتن خطا
صفق



رمزن من  رموز  الكرم  ونحبها حبً  مباح
تارد على نزف الشعور وداخل فوادي  تطاا

هيه سلاح الوقت لا منك خليت من السلاح
لو طعت شوري يمكن انك يالعتيبي تورطاا
العنود



مافيه شك بحبها واهيم فالوضحا الشناح
اللي تتل البوش لا قامت تشاوح بالخِطا

تبين علمي يالعنود الله يوفقك النجاح
البل لها تاريخ عند اللي حلبها وامتطا
صفق



منقية ابويه عليها فالحجاز افخم وشاااااح
ماهي فقارى من حراسيس البداوه واجهطا
العنود




ماشفتها ولاشاركت فالنادي اللي في رماح
حمرً شريتوها من الجهنان مدري من عطا
صفق