من هاجوسن يعرف الاجواد والبير وغطاها
ياسلام الله سلامن فيه شر وفيه خيـره
كنت اشوف الناس من باب الغلا وادمح خطاها
لين عاشرت العنود وقالت الدعوه كبيره
مجنون
من هجوسن يكشف اقدور المعاني ويغطاها
مرحبا ترحيبن اسوقه مثل سوق الذخيره
لو نحلل علتك ذا الليله ابنعرف دواهــا
وانت رجالن تقص السلك من جوف الضفيره
العنود
البقاء والي سمعته حر في جوف اقصراها
كلمتن ماتفرح الا عاشق ال طبلت سميره
لو يحلل عقلك الباطن ويعرف مستواها
رحتو مرواح القطا والرد ماوصلك ديره
مجنون
العدود المسنيه جفت ولا شحت بماها
وانته اتحسب السوالف كوب شاهي واتعميره
العنود اليا مشت فالدرب ما تنظر وراها
قبل تجمع كل حبك فالرحاة المستديره
العنود
كيف جفت والمطر ينزل عليها من سماها
الكبيره في عيون الناس في عيني كبيره
والنعم من راس قومن ذكرها يسبق عشاها
لا لحقج الطق في درب الخطر بفض سيره
مجنون
انت عينك من شوائب وقتنا زايد عمها
ما تدلك لو مشيت ابها الدروب المستنيره
العرب دون الشريعه قامت اتجمع قواها
تحت حكم القايد اللي تل سيفه من جفيره
العنود
السنون اللي تطايح من جماها في خلاها
قالو ان الكبر جايز قالو انه شرب بيـره
النجوم اللي بسماها مزينه منظر تراها
تشبه الحلم ابدوين يدهن ابقارب بعيره
مجنون
امهلـه ربـي ولاهـو مهملـه لو ايتباها
ياخذ الله عقله اللي من اوروبا مستعيره
لا تضيق خاطرك من جاب له طمه لقاها
ما تقف دنيا الفنا لجله ولا تاقف لغيره
العنود
المبادي منهج الاصلاح والفتنه غباها
لو ثلاث ارباع روس القوم تضحك من معيره
يالعنود اضيق حدي لو افتش محتواها
لعن ابو من عاش عمره لاش فكر ولاش غيره
مجنون
