طاروق الشاعره العنود والشاعر شرد المعاني

تعال يالشايب وعطنا اخبار موترك الجديد
الله يبارك لك بها والله يكفي شرهاااااااااا
اللي ركب فوق الجمل واللي ركب فوق الحديد
يشوش لا منه سرح يم الديار ومرهااااااااااا
عنود



جيناك يابنت  العرب  انغني  ابيوت  القصيد
والناس خلف اصدروها تخفي ويخفى سرها
لاهنت النود انبرت مع  نودها  خضر  الجريد
وايام عمرك حلوها ينسيك علقم مرهاا
شرد




لا جيت خل الناس بحضورك تفيد وتستفيد
وإن هب نسناس الهوى كل الصدور إيكرها
ايام عمري كلها  ياهل  المعرفه  يوم عيد
والا انت عمرك راح به برد السنين وحرها
العنود



المنطق اللي منطقه مقبول نقبل به اكيد
والناس لولا ظنونها ماتت ولااحدن غرهاا
ايام عمرك فانيه والوعد في يوم الوعيد
والبنت لاغنت عدل بقوللل لله درهااا
شرد



هقوتك يا شرد المعاني ذوبت ظهر الجليد
والموت حق وقابظ الارواح روحك فرها
ايام عمري فانيه والموت في حبل الوريد
والبعض موته في بيوت الشعر لا من جرها
العنود




سيف ابن طالب حيدره ماهو مثل سيف الوليد
والنصر بيدين الولي كر الحرايب كرهااا
السلعه اللي سعرها غالي وفي عيني زهيد
مرجانة البحر الفخر للي يعوم ابحررها
شرد




ذيك السيوف اللي لها بأس(ن) على الظالم شديد
في صفحت التاريخ تلقى الناس شي إيسرهااااا
كنت احسب انك تاجرن والبنك مليانن رصيد
فقري وعينك صوب مرجان البحور ودرها
العنود




كنت احسب انك عارفه يومك تردين النشيد
واثر المصارف مفلسه كنت احسبنك واثرها
بغداد بغداد العرب من بعد هارون الرشيد
دار الزمان وعبدها ذا اليوم يحكم حرهااا
شرد




من لطف ربي تبت عن حبس الجواري والعبيد
واشوف يا كثر الجحور اللي تكاثر ذرهاااااااا
بغداد راحت والعوض بالشام وعيال الصعيد
لو ارمشت عين المعادي بالرماد انذرهااااااا
العنود





يابنت درب التهلكه ياخذك عن دارك بعيد
والليله الضلمى تريكك مايعوض بدرهااا
انا على عال القمم في ماضي ايامي وحيد
في قمة ن متعذره والناس معهاا عذرهااا
شرد

طاروق الشاعر عبث والشاعر الشايب

عبث
على سلم طموحات الحياه انواجه الغربال
وينجينا من الغربال حلم (الشايب ) الغالي

بعد غنيت من واقع تجارب درست لجيال
ابي الشايب يلاحيني ونا بلاحي امالي

الشايب
على سلم طموحك يحفظ التحقيق راس المال
كذا يبعد خواء راسي عن الغايات معمالي

من الموروث عززك الصبر عن خيبة الامال
وانا من جود مايرهي ضميرك طاب موالي

عبث
ترا اللي مستحيل ايحاولونه مير ما ينحال
ونا ي الشايب الغالي منيب اشكي من احوالي

بسطنا فرشتك يا لحمديه تحت فيت فال
عسا ربي يزين فالكم ي الشايب او فالي

الشايب
تمد كفوفك البيضاء وتكسر قاعة الفنجال
لو ان الوجد من لاماك ماضيق هواء بالي

بساط الاحمديه ضلها من يمة المنزال
يضايقها الكريم انكان طيبه ماتعنالي

عبث
ضريبت تجربت ليام تنسخ من حكّم  لمثال
وحنا ناخذ الحكمه من اللي فوقه اضلالي

حرار الفرس توكر يا صحيبي فوق روس اجبال
ولا كن العجب لاوكر غراب البين ف جبالي


لشايب
لقينا قيمه الامثال ترضي عابد التمثال
انا مدري عن الحكمه ليا قدمت معدالي

حرار الفرس تؤمن في ظهور الاعور الدجال
عقايدها مخالف للعقول وفطرة الوالي

عبث
تراء التمثال ما ينجب ولا يذكر عليه اعوال
لا كن من يعبده يوم اللقاء بيواجه الصالي

(على موجات بدع القاف ما نتعبك يا لرسال
انا برج اتصال القاف با غطيه برساالي)

طاروق الشاعر حمد والشاعره العنود

حمد
كان العنود البنت نجمه لامعه بين النجوم
لا جت تحت نور القمر والله ليطفي نورها
وإن كانها في غبة البحر أسمكه تقدر تعوم
يطلع لها التمسساح فالغبه وينهي دورها


العنود
انا احمد الله يا حمد ما شلت هم امن الهموم
يوم  الليال  السود  عندك  ينطفى  ديجورها
غصنا وجبنا الدر وانت بجوها شفتك تحوم
امع الطيور اللي يهولنا حجم دنقورها



حمد
صحيح ماشلتي هموم وفالشقاء مالك لزوم
والهم في قلب الشقاوي كيف يغنم حورها
ي بنت جعل الستررر دايم والعوافي ماتدوم
حدك بخير وعافيه نادي حمد فسرورها



العنود
الحور مايهنا بها واحد يصلي ما يصوم
يلقى سعير النار والغصه وسط حنجورها
من فضل ربي ما نغير بالعوايد والسلوم
ما نزهم اسباع الجبال اللي تكر اجحورها



حمد
اصوم وصلي ورب الناس غفار ورحوم
لكن ليت البنت تعطي شي من ميسووورها
سوق الذهب والله مايوجد فيه شي امن الهدوم
والبنت تنزل سوق فيه اقدورها وأومورها



العنود
مدري متى بتوب يا حمود عن زرق السهوم
بنت العرب تنصحك وانته ما تطيع لشورها
انته بسوق الصايغ المشهور بعت اخياش ثوم
غشيت ناسن ما تحط  الثوم  وسط  اقدورها

طاروق الشاعر حمد والشاعر الاصمعي

سلام   رديه   لها  معنا   ومعناها  عنا
واللي مايدري عن معانيها لاينشد عنها
بعض الرياجيل ايتردى لين يهدم  مابنا
وليا ضحك لي في سووونه كن سنه سنها
حمد


يامرحبا  ترحيبتن   مقدارها   فيه   الهنا
اقلط على الدله نبى انقويهك صافي بنها
بعض الرجال اطبوعها ياصاحبي طبع الخنا
لكن   يبطي  عظم   موسه   بينا   ما   سنها
الاصمعي            



الله يبارك فيك سولف لاتقول انته  وانا
حتى المجنن في بلد مكه مايدخل جنها
بعض العرب يالاصمعي ودك تخبطه بالقنا
واليا زعل يرضى ولالمن راح كنه كنها
حمد


ابشر بعزك دامنا فالماد يالذيب ازبنا
واهل الرديه خلها ياصاحبي في خنها
عزالله انك صادقن ياجعل شرواه الفنا
لكن ياجعل العوض فلي يزين فنها
الاصمعي                    



يكثر خوفي يحكمون الملعبه نوف ومنى
واللي مثل نوف ومنى اتظن فينا ظنها
خلك على يمناي يالحربي وفي بيت الغنا
ندخل ونبني فالمباني والمباني بنها
حمد


لايفور دمك ياحمد دمك ترا من دمنا
وخطام ريمه من يدي ليديك يوم انعنها
 انا على اليمنى وبيت العز لامن انبنا
شرواك يبراه السعد دن المعاني دنها
الاصمعي

طاروق الشاعر شرد المعاني والشاعر حمد

شرد
مرحبا ب الشايب اللي روحت زهره شبابه
بين ضحكه وابتسامه لين قفت به سنيينه.
يحسب ان الوقت كاسه دايمن صافي شرابه
لين دار الوقت وادرك شيبه وشافه بعييييينه

حمد
البقا وانتم شباب وكل ماشفتووووو شيابه
قلتو الشايب مايسبح فالبحررررر فوق السفينه
ادري ان الوقت ماضي والعمر تجري ركابه
وإن طلع فالراس شيب الشيب جاء قدام حينه

شرد
تستعيد الذكريات وتذرف ادموع الصباابه
لاتذكرت البدوااااه ضقت من ضيق المدينه
كيف تدري وانت عينك كلها هم وغرااابه
والفرح شيبك وعجزك حال من بينك وبينه

حمد
الحياه الطيبه عشنابها عيشة ذيابه
فالبداوه والحضاره والرجل ماضاع دينه
ي شباب اليوووم عيشتكم ترى هم وكآبه
كل منكم في رفيقه للتفت يفرك يدينه

شرد
للزمن وجهين والوجهين مافيهن تشاابه
وانت مثلك مانقول الا عسا ربي يعينه
انته من اول فصيح وتتقن افنون الخطابه
مير تال  الوقت مثر ريب قلبك في يقينه

حمد
الزمان الشين وجهه وجه ذيب وش تبابه
والزمان الزين وجهه زين وانته فيك زينه
كلمة الساني مثل حد المصقل فالحرابه
واليقين ابقلب مومن وان جهلت انشد جهينه

شرد
كيف بعد العز ترضى ياحمد عيش الغلابه
وانت ليث ن وكل ليث ن مايموت الا بعرينه
السؤال اللي تدور له مع العالم اجابه
مانتي لاقيه جواب ن يقنع القلب وحنينه

حمد
احمدالله وشكره عايش على عز ومهابه
ماعلى كبدي حسوف ولا على قلبي غبينه
السوال اللي مانلقى له جواب انصك بابه
ماب اجي ونشدك وانت اتقول مدري وين وينه

شرد
تدعي ولكن والله دعوتك مااااهي مجابه
مير قبل الموت جعل الحارثي يوفي ب دنيه
عارف دروبي وعرف الخصم وش حضرت جنابه
بعد ضيعت الامانه وانته يدينك امينه

حمد
لا تطاول والله اللي رحمته تسبق عذابه
تحلف ان الله مايغفررر ليش شرد أشرك بدينه

طاروق الشاعر الاصمعي والشاعره العنود

العنود اللي تجي للسوق وتجيب البضاعه
ودنا نكشف  بضاعتها  ولانكشف  خفاها

علموها  علموها   مالنا    فيها    طماعه
مانبا نكسب زعلها ما نبا نكسب رضاها
الاصمعي


انت في سوق المدينه تشتري غتره وساعه
احضرين لا لقى له سلعتن  تبرق  شراها

القناعه  كنز  ما يفنا  ويا  حلو  القناعه
مير انا بنت ابدويه رجلها تثبت  حفاها
العنود

والله اني والله اني من رياجيل الشجاعه
نقني اللي ظنتي يابنت غيري ما قناها

مانذمك مانذمك فيك شي امن البراعه
مار ستر البنت والله سترها داخل خباها
الاصمعي


والنعم بك والنعم بك لانك احسنت الصناعه
ما لقيتك تشعب  اذلول  الرجاله  مع عماها

والله انك   والله  انك   قمت   تجنح    للكاعه
 ساتره نفسي وحلق البير ما نجهل غطاهاا
العنود


والله انا نوفي المكيال قدر الاستطاعه
ومن يمد الطيبه دايم ترا يلقى جزاها

ماجنحنا ماجنحنا مار لاتدخلك راعه
مانبى نفسك مع العالم يكدرها غثاها
الاصمعي


المراسل  ما يجيب  العلم  لا قال  الاذاعه
ما معه حيله يكذب فالصحيفه لا قراهاااا

ما اعرف الخوف من سن الطفوله والرضاعه
وانت ترعبك السوالف بين (جاها  واشتواها)
العنود


من قرا يابنت ما يجهل حروف اهل الطباعه
علمي بعض العرب قدام  لا نضحك  علاها

مثلنا موج البحر لاهاج ما يقطع شراعه
صامل واهل السوالف بعضهم نلعن ثواها
الاصمعي



من قرا هدي الرسول اللي يوصي بالجماعه
ما عليه اخلاف واهل الطيب شاهدها لحاها

مثلكم موج البحر لا هاج  يلوي  له  ذراعه
لين تكشفه العرب في سو نيه لا نواهااااا
العنود


السعيد  اللي   لهديه   ما يخالف   لاتباعه
مار بعض الناس يزعل لا لقت شيخ يهداها                      

من  صواديف  الزمن  حنا  ترا  فينا  مناعه
شيب عينك شيب عينك كان دارت بك رحاهاا
الاصمعي 

طاروق الشاعر اسد القلطه والشاعر العيه

ســــلام تسليمه لها وجهين والصاير يصير
الوجه الأول من رضاء والوجه الآخر من زعل
ماعاد فالدعوى مجامل نادوا الراس الكبير
أنا الأسد ومصادمي بالوجه غير عن الثعل
أسد القلطه..



يامرحبا ترحيب والدنيا رحاها يستدير
وليازعلت بلا فعل وليازضيت بلا فعل
ماقول فيك اقصور وافي ياعسى فالامرخير
شاعر قوي الباس والعيه بعد شاعر فحل
العيه..



جنة عدن تحرم على الدجال لكن زمهرير
لابد يدخلها مع أوسع باب لو عمره بعل
طويق ثابت في محله وانت يالعيه بصير
الضلع ثابت والضحيه دايم(ن قرن الوعل
أسد القلطه..



اطلب من الله لاتجي فوقك عبوسن قمطرير
ابليس يلعب بالخلايق والجزا جنس العمل
اطويق راسه مايجيه الا الطيور اللي تطير
وانت من اللي فالجبل رلا على راس الجبل
العيه..




 وش حيلتك لاجتك يالعيه على الضلع القصير
وانته يديك قصــــــار تقنع والا قلي تنفعل
انا محلي هو محلك والفرزدق ياجرير
ماعاش عمره يرقع الأثواب ويخيط النعل
اسد القلطه..




ايداي ماتقصر ليا قصرت يدينك يالقصر
ان جات من عندك تبا تسريبها مني دبل
شعيل في دريه ولا تجلس على درب البعير
درهم مع المقهور لاتقد تلفت فالجمل
العيه..




انا ما أذمك ياجمـــــــــل لكنك تقض الهدير
وان جاء الجمل قدم الأسد راح الجمل مثل الجعل
شعيل ماله لاهدر ياكود كيس من الشعير
والا الأسد قسمه من الغزلان لا ليت ولعل
أسد القلطه..




مانيب مرخن هامتي وادفع زكاتي للفقير
وان كان ماتسمعني ارخ اذنك وتسمعني عدل
انا احتزم بك في مواقيفي واثر مافيك خير
لابارك الله في حلال القوم من ضمن الهمل
العيه..




انته دخلك الشك من قصة سميره مع سمير
آثرك يالعيه على الميقاف والصمله تعل
اسد القلطه..

طاروق الشاعر عبث والشاعر العيه

سلام رديه وفا طورها طور سلام رديه
وبيوت نبنيها ونرفع عمدها ابيوت نبنيها
النارمجثيه اليا طلعت النور التار مجثيه
والنار نحييها لياجا وعدها النار نحييها
العيه..


يا مرحبا حيه ..ولا نيب مجبور ..يا مرحبا حيه
الشرد نبغييها .. ونبغا ولدها .. الشرد نبغيها
من دور الفيه .. ما يقبل الشور .. من دور الفيه
احثال صافيها .. لجرحه ضمدها .. احثال صافيها
عبث..



ماهيب عاريه ولاانته بمكبور
ماهيب عاريه واللي يباريها
يقلل جهدها اللي يباريها
عمتك مبليه وتشهد على الزور عمتك مبليه
 حبت بناخيها وكبت ولدها حبت بناخيها
العيه..



بيموت من غيه .. ولا هوب مقبور .. بيموت من غيه
يسري مساريه .. ولاصبح وجدها .. يسري مساريها
اضاهر العيه .. مرابط ومخفور .. اضاهر العيه
يسمع دواديها .. وهو في مهدها .. يسمع دواديها
عبث..



الخلق منهيه يامنهي يامامور الخلق منهيه
منته بمحييها ولا انتب سعدها مانته بمحييها
نجوى وحوريه لهن سته اشهور نجوي وحوريه
 واللي مواليها يلمٌس نهدها اللي مواليها
العيه..



الامر بيّديه .. تريح ومعذور .. الامر بيديه
ردد غناويها .. وعالج بلدها .. ردد غناويها
ي حليل جوريه .. تعداك بشبور .. ي حليل جوريه
ليه انت تخفيها .. ونا اعرف بلدها .. ليه انت تخفيها
عبث..



عدن رهاويه ولامعك ناعور عدن رهاويه
 والناس مرضيها عجز من نكدها الناس مرضيه
عليك دوريه لكن لف ثم دور عليك دوريه
 عينك تداويها ويكثر رمدها عينك تداويها
العيه..



فديتها ابنيه .. تعدك يا طور .. فديتها ابنيه
نكحل وتعميها .. وترضع بردها  .. نكحل وتعميها
لاتكرر الجيه. . ونا عارفك ثور .. لا تكرر الجيه
دورتكً لا غيها .. حبوب بعدها .. دورتكً لا غيها
عبث..



لو فيك ماريه وخاطرك مكسور لو فيك ماريه
تزعل ونرضيها رضى امر وادهي تزعل ونرضيها
خطتك مقريه عليمي ومعثور خطتك مقريه
 بانت خوافيها ولاحدن نشدها جابت خوافيها
العيه



ندعسك ي الحيه..ولو تسكن اجحور ..ندعسك ي الحيه
واللي يناحيها .. رضع من غددها .. واللي يناحيها
اشعيل من نيه .. تبا تركب الكور .. اشعيل من نيه
من كان  شاريها ..لزومن جردها .. من كان شاريها
عبث..

طاروق الشاعر شرد المعاني والشاعر القيصر

ياسلام الله سلامن لجل عينك نبتديبه
ياصحيبي وانت غالي والطلب ماهو بغالي
الهدف قدام عينك والسهم لازم يصيبه
وانت ياشيخ المعاني ماتخاف وماتبالي
شرد


مرحَّبا ترحيبة من عندنا ماهي غريبه
تقتلب للي يبيها مُرها ولا بحاااااالي
كل شي بحكمة الله كل شيً من يجيبه
وانت ياراس الجنوبي خل صدرك لى شمالي
قيصر


لا تحسب ان البعيده مثلها مثل القريبه
لاتقيّم صحبة الميدان بجنيه ورياالي
ذا كلام ن مالحقنا فيه شك وفيه ريبه
وانت من مطلبك خلك بين يمكن واحتمالي
شرد


كم ولد ياصاحبي شيب قبل ساعة مشيبه
ومن بغى علمن يعزه  يرتكي وقت الثقالي
وردوها هيت في عدن عوابه رااااس شيبه
ليلتن من بردها ماترحم اعضام الرجااالي
قيصر


كم ولد ياصاحبي يقبل وخلق الله ماهيبه
من بغى عزة يكابد ياولد سود اللياااالي
دورة الايام منها تاه واحتار النجييبه
وانت جعلك حرارة شمسها تلقى ضلالي
شرد


انت ياشرد تجيب العلم ولا ماتجيبه
يالزناتي لاتعدا حق ابوزيد الهلالي
دورت الايام مع دربن ترامعي تغديبه
مامعك صبرً يشدالعضم لله الكمالي
قيصر



العرب يدرون باللي فالحرايب ينغزيبه
وانت مع شرد المعاني ياولد مالك مجالي
قيصر الشعار ماله غير شي ن من نصيبه
ان قصر والا تعلى ياعرب روس الطوالي
شرد


انت بلون أااااااالهوا لامن لقيته ت لتهيبه
خمس بالونات جتك اليوم من قرم العيالي
بيني وبينك دعاوي وااااللخفي كل دريبه
مافرقت روس العرب دايم على الله اتكالي
قيصر


لاتحسب ان كل جرح ف البلد تلقى طبيبه
وانته مواطن فقير ولا انته بصاحب معالي
ادري انك ذيب ليل وشاعر وقايد كتيبه
من خيال ن عذب دايم تبني البيت الخيالي
شرد

طاروق الشاعر مطوع القاف والشاعر عبث

مطوع القاف

سلام تسليمن يمثل قصة الرجل الطموح
واللي معه علمن عن الاحداث يعرف وش نبي
وادي حنيفه شفت رعده دن والبارق يلوح
بعدين سيّل في ديار الحارثي والاكلبي

عبث

يا مرحبا بلي سلامه لا لفا ما هو يروح
الا بترحيبن سما بافضل سلامن لولبي
ي مطوع القيفان لا تشكي علي امن الجروح
جرح الزمن سبب تضامن شمري مع تغلبي

مطوع القاف

محدن يبا يبني لك صروح ويهدملگ صروح
من يوم شفتگ ياصلاة الله على وجه النبي
ماني بشاكي والمنيحه درها عبر المسوح
والضاميه لاجاتنا لابدها ما تشربي

عبث

لو ضيقت صدري هروج الغوج لا يمكن أبوح
الا على مثلك ونا صاحبك ونته صاحبي
تحت القدر ضون تشب وقدرنا عيا يفوح
لكن لا تطمع براس الصيد لو انه ضبي


مطوع القاف

ترى ماكل مركب بالبحر قلنا سفينه نوح
وانا خويك بالبحر ماضاق والله مركبي
على ماقيل باب الخير والطاعه معي مفتوح
حتى لوني في بعض الاحيان مسيت شنبي

عبث

لو ناحت الورقا على خوص الشجر يمكن تنوح
يمكن يجي شف البحر متقاربن مما تبي
ي مطوع القيفان شد لشفّها الوضحى الطفوح
لجل الطفوح اللي خذت قلبي  بغبر شاربي

مطوع القاف

اشوف هذي منك مزحه وانت رجال مزوح
الخير في مكه ولا تلقاه عند الاجنبي

طاروق الشاعر حمد والشاعره العنود

حمد
سلام وإبداع المعاني بعد رديت السلام
واللي مايعرف بدعها ماهوب عارف ردها
انا دخلت الشام واهل الشششام مافيها كلام
راحوا ضحايا والضحيه ودها ماودها

العنود
يا مرحبا ترحيبتن من طيبها تجلى الضلام
ياشاعرن هاك العلوم الطيبات  وودها
اليا دخلت المعركه اكرب جنوبك بالحزام
يالفارس اللي تعرف امواج البحور ومدها

حمد
ي بنت ياليتك تركتيها لحماي الجهام
لكن دوك اعلمك فاللي علوووومه سدها
يوووم البنيه عندها قوووم المحبه والغرام
طاحوووا وصاورا كلهم دمعة حزن في خدها

العنود
وش قولكم باللي يطوف البيت ما يلبس حرام
كل  العرب  تنظر  بصوبه  والعيون  تلدها
ماني على درب الخطا والشك يقفاه الملام
ترى المنافق لو يجيب السالفه ما شدها

حمد
أفضل من اللي بين خلق الله ينقل فالكلام
يبني علاقاته ثلاث ايام ثم أيهدها
العقل نعمه والجهل ظلام والدنيا ظلام
وضعيف الهمه يجي ويروح ماهو قدها

العنود
الحر ما لد النظر بالصر واجوال الحمام
قلته وانا بنت الصقور اللي ينومس هدها
انته تدور  للرطب من عام الاول فالبشام
يالين جاتك زمرتن يااا لعنبوها وجدها

حمد
الحر في جو السماء حايم لكن الوز حام
آخر هجر بعض الطيور اطير وعلا حدها
انا ماحب الا الحلا والتمر يجنا كل عام
مبغا التمررررر وهل التمر لو مدته في مدها

العنود
اظن جوك يا حمد بيطير به حتى النعام
تكثر سواليف الكذوب افمزحها وابجدها
ما ضاع صوت الفارس المغوار في وسط الزحام
وان عرض اللحيه لصلفات الرياح اتكدها

طاروق الشاعر خليف والشاعر اقواس

خليف
سلام تسليمة مثل رمح الزناتي في ذياب
فالمعركه والمعركه محدٍ بسالم جوفها
الملعبه عذرى تهز  اردوفها قدم الشباب
وخليف لا جاء قدمها يقدر يهز أردوفها

اقواس
ي مرحبا ترحيبةٍ فيها ملايكة العذاب
تسمع بها وان مت بذن الله تجي وتشوفها
الملعبه بنتٍ  تحب الستر وتحب الحجاب
صفين تصفق بالكفوف ابشر بصفق اكفوفها

خليف
الله يبارك فالسبيعي والسبيعي مايهاب
كانه مثل زامل تعيش الملعبه وصفوفها
بنت البدو لاجيتها لبستها زين الثياب
تامن تحت هيبة كلامي لين تنسى خوفها

اقواس
يامرحبا  ي مرحبا  ي ذكر سمحين الجناب
ترحيبة الغلبا   ليا جتهم وفود اضيوفها
لايسري الطاروق وانّا في ذهاب وفي اياب
منّا  ترا  قومٍ مع الصفره تطق ادفوفها

خليف
يستاهلون الطيب من يثنون من دون الركاب
يوم الحرايب تلتظي برماحها وسيوفها
بن اليمن ماعاد يصلح لي ولا بغاله شراب
بعد الزيود اللي تجي في نجد وانت اتشوفها

اقواس
الناس من تحت التراب الناس من فوق التراب
امنوعها  بانواعها   وموصفه  بوصوفها
اقلط على شيخٍ .. يفك ارقاب ويقطّع رقاب
تبشر بكيفٍ يرضي اهل المعرفه وشفوفها

خليف
الناس فوق الارض وانته خل عينك فالسحاب
يمكن تطيح الروس لا جاء السيف فوق اكتوفها
البن الاشقر فاليمن وهل اليمن منها خراب
عفاش في صنعاء وهل صنعا ي كثر  أضعوفها

اقواس
نضراتنا   من وسعها ضاقت بها كل الرّحاب
لكن  مرتك  الرساله  ماقريت  احروفها
اللي يمصون العجم محدٍ يبي منهم زهاب
من التمر مصروفنا   ومن العجم مصروفها

طاروق الشاعر حمد والشاعر شرد المعاني

حمد
سلام تسليمةٍ فيها من الفن فن
فن المعاني وشرد ايروح مع شردها
على لسانك لاذقت الهيل والبن بن
بن اليمن فاليمن مورود من وردها

شردالمعاني
يامرحبا ياحمد لو اغلب الظن ظن
ظن الجهل والعرب تامر ع كردها
اليورو اللي عليه العلم والين ين
ين العطا ماشتكت صحراه من جردها

حمد
الشاعر اللي يجي ويروح والجن جن
جن الشعر جننه والكبد يا بردها
العين بالعين ي رجال والسن سن
سن وطلع فالسنون ومنفرد فردها

شرد
الشاعر اللي يجي ويروح والشن شن
شن الحرايب وشر الناس من قردها
الفضل فضل الولي ياشيخ والمن من
من الولي والسوالف وش لك بسردها

طاروق الشاعر مطوع القاف والشاعر وسعود

مطوع القاف
سلام الله ويوم الاخره تحيابه الاموات
وانا صاحي وابيلي صاحين يعطيني علومه
بعد ما جيتنا يا سعود والايام ود وهات
رسالات المطوع ما تجي ياكود مختومه


سعود
هلا يا مرحبا بك يالمطوع وأبرك الساعات
لعلك يالمطوع صاحبي صاحي من النومه
بعد ما جيتكم كلن يبا يعطى على النيات
يبين الي تقوله والاشارة معك مفهومه


مطوع القاف
انا صاحي واراعي للضوامي واعرف الحزات
واعرف الليل واعرف السما لابانت نجومه
مصر راحت وضاعت بعد ماراح انور السادات
اشوف السيسي اللي قد ذبح خطته مرسومه


سعود
يا راع الضاميه وشهو يحدك تاصل المضمات
تعرف الي تعرف ودونها كم حمت لك حومه
يا كثر الي يروح وما نفعنا في زمانن فات
بلشنا بالمخطط والبلاوي وسط منضومه


مطوع القاف
حدتني وقفتن في وقتها تسوا عشر وقفات
ووكر الحر لايمكن تحوم فمرقبه بومه
قديمه يا رجل فرّق تسد والبير له مصفات
على ساحل بحر ماتدري ان الارض ملغومه


سعود
عسى ربي يعينك وأكثر الروحات والجيات
وتصنيف النعامه طير بتصنيف مضلومه
اضن البير هاذي يا عميلي مصدر النكبات
وفيه عباد مغصوبه وفيه عباد مرحومه



مطوع القاف
انا اراعيبها والحسنه اجزيها عشر حسنات
وتصنيف الطيور اللي تقوله يفرق السومه
خاميني ما يحسب انه يجيله هادم اللذات
وثمن ما تفيده عمته والبشت وهدومه


سعود
لعلك يا المطوع تسلم الليله من السيات
بتال الوقت يالله تستر الرجال بهدومه
يا كثر الي يموت من اجلهم والنقل بالباصات
عسى الله يكتم اهل البشت وأهل الشر مكتومه


مطوع القاف
انا وشلون اخاوي حوثين يمسي يشم القات
زمانه قاصبه ماخذته الايام بهمومه
تحسبك وسط جنه كل مافيها يسر الذات
واثرك بوسط نارن تحرق الرجال من يومه


سعود
هذا جيل الترف ما ينفعون الا على اليكات
يضيع المجتمع في زحمته ويضيع اسلومه
ترا دنيا الفنا ما ينفع القايد مع القوات
لكن الفايز الي مدين حجه مع صومه