قررت ياهل المعاني واعلن الاعتزال
وانتم تعرفون ياهل الروم ويش السبب
ماهي قضية تغلي بين روح وتعال
الشعر صدق المشاعر واحترام الادب
فواز
وش فيك زعلان يا فواز يابن الحلال
متضايقن من بليا شي يابو عرب
ياللي تحب المعاني والبيوت الجزال
الشعر في تالي الايام والله خرررررب
العنود
بالله في ذمتك ذمه يابنت الرجال
مالي زعل دام مابه من يسد الطلب
مادام راسك يشم من الهوى راس مال
انتي تكفين يابنت الحسب والنسب
فواز
ان كان في خاطرك شيً ما يطري لبال
روح مراح الرشا عن ماقفك وانسحب
لا هبت الريح خشمك من جنوب وشمال
ايشم ريح البارود ويعتزي بالشبب
العنود
تطري عليه علوم معربين الخوال
وانا معرب خوال وجدي اطلق شنب
لو هبت الريح ماشالت ثقال الجبال
افدى خويي بعمري كل واجب وجب
فواز
ماحدن يذمك ودوم النعم فيكم يقال
اليوم هانت لو ان الدم يصل الركب
تبغى اتخلص ولكنا عقدنا الحبااال
الفوز حامض على فواز مثل العنب
العنود
اليوم كلش مصخر بالقلم والريال
مقدر اللي قرى ومقدر اللي كتب
ماني مقدم جواب ولا موخر سوال
لكن ابشرتس بالنجم البعيد اقترب
فواز
