طاروق الشاعر حمد والشاعر الشايب

حمد
ي مرحبا بالشايب اللي غاب عنا فرمضان
مدري غيابه معتكف ولا مسافر ل أنقره
انا ماعاد ادري عن الشيبان في تال الزمان
لقيت فالمغرب  وفالبحرين  خمسه  وعشره

الشايب
دام البقاء واللي بقى لشكر حسن الامتنان
ومالك علي من الولايه  شي  لجل  ابرره
لو كان للوجه المشبب ياحمد قدر ومكان
ماكان بين وجهك الطيب حدود المنظره

حمد
ماني ويلك مار انا فاقدك وانشد ي فلان
وأقول جعلك حي ترزق مادخلت  المقبره
تراك شايب والليال السود مامنها ضمان
زور المدينه والحرم مالك ومال الهستره

الشايب
شرهة عتابك في ضمارينا على بر الامان
والعذر  يدفعه  الغلا  والعفو  عند  المقدره
ماتدري ان السرج طايح يوم تليت العنان
وشلون تبغى الخاتمه جنات عدن ومغفره

حمد
تقولها  واللي  بقلبك  مايجي  فوق  اللسان
شرهة ضميرك في ضميرك وانت تحت المجهره
ياللي تفكر فلأعنه وانت في ظهرررر الحصان
والله  ماتدخل  فالجنان  الخضر  وانته فظهره

الشايب
قدام لا نرضى عليك القل يرضيك الهوان
حتى  مشاريه النسابه  بين  رجال ومره
علط الرقاب تموت من صنعتك يالحر الجبان
تحت الظلال اللي تشابك ماتكفيك شجره

طاروق الشاعر شرد المعاني والشاعر راعي البواضا

الليلة الميدان مثل المطرقة فوق الصفا
دقت حدايدها وما يفك الحديد الا الحديد
عن ما سلف يا صحابنا شيٍ مضا والله عفا
لكن من عايد نهار العيد واليوم السعيد
راعي البواضا


تعال والمعنى ع وجهين له وجه وقفا
والله يعز المعرفه ويعز هاجوس القصيد
المبهمه والبينه فيها ل جرحينك شفى
وراع البواضا نظرته ماهي قريب ولابعيد
شرد المعاني



شرد المعاني عقب ما زانت ووقته له صفا
لو ما يروعه كل ما طق الوتد ينطحه حيد
لا تحسبنا يا طويل العمر يجهلنا الخفا
لكن لا تروّح كما الشامة على خد العبيد
راعي البواضا



لامالت جبال الهدا تشره ع جبال الشفا
ول هبت الريح انبرت مع ريحها غض الجريد
ياصاحبي واللي وفا منا يبا يلقى وفا
لو معك حلم معاويه ماتلبس اعمامة يزيد
شرد المعاني




مدري تبي تكمل بعد والا تبي تصرخ كفا
يوم انها درت لبنها ما لقمنا معك ديد
لو ما تصر الدرهم الأحمر لا ما صابك حفا
يوم ان غيرك ما معاه جنيه ولاعنده رصيد
راعي البواضا



الا والله الا بالوصل تبشر بعد طول الجفا
ياللي تذاكى مادريت ان التذاكي للبليد
لوتنفي الحق اليقين ب لاء نفيك ماانتفا
مير الليالي غرتك واغواك شيطان ن مريد
شرد المعاني



تجلس نهار شباط مير الشمس ما اعطتك الدفا
والزمل دونك كل ما عجلت نفت لك بالهديد
مدري بجفنك يوم طال الليل عيا لا يغفا
لكن لا تطرب على راشد ولا عبدالمجيد
راعي البواضا



ع سنا نار الكرم كم طرقي وطرقي لفى
ونار القوافي فورت دمك بشريان ووريد
راعي البواضا منجفي علمه وهاجوسه جفى
شرد المعاني والعرب تطرب ع المعنى الشريد
شرد المعاني 

طاروق الشاعر مربع والشاعره العنود

سلام الله سلامن للعنود ومجلس النواب
بنوده فالكشوف ومع صلاحيات نوابه

ابو زيد الهلالي سامح الدعوى كذا لذياب
ومعطي الضو الاخضر لبن غانم ذيب واعتابه
مربع




هلابك يالمسلم والضوابط نصها بكتاب
نبا درج البنود ومكتبك لا تقفل ابوابه

سواليف الهلالي روحت مع صادق وكذاب
وابو مشعاب يامربع توفى عند مشعابه
العنود





عسى تبقا النفوس الوافيه وتشرع الابواب
ونعزم عنصريات البدو في خمبز وقلابه

مدير المدرسه صابر على مايفعل الطلاب
مدير المدرسه دكتور والطلاب طلابه
مربع





لقيت اهل البلد مستغربه فالددسن القلاب
طلع راعيه تاجر والعرب تاكل من احسابه

ترى كرس الاداره ما يدور الا مع الاشناب
ودكتور العياده كل ليل يصيح من نابه
العنود





هو الله لا اله الا هوا ومسبب الاسباب
وفلاديمر عصاباته سبب في كثرة انشابه

صحيح اني شبابي واحترامي يفرض الشياب
عليه باحترامي يوم انا وفلانه اولابه
مربع





حجر بعض الدير طيبه يسن الفاس للحطاب
وهذي هي سوات اللي نسى ضربات خطابه

وانا بنت ابدوي من طيبته ترخص له الارقاب
عساه ابجنة الفردوس من طابه ليا طااابه
العنود




صراحه ودي بطاروق ثاني ينعش الاصحاب
ليا منه سمعه الطرقي الرحال غنابه
مربع

طاروق الشاعر مربع وشاعر مبتدي

مربع#

سلام الله سلامن فيه من بعض الامور امور
سلامن لو يشوف المقفيه ماراح ياطاهااااا

انا ودي بشاعر به لياقه من ثلاث شهور
ليا منه درى بالمخطيه من صوب مشاها



شاعر مبتدي

هلا يامرحبا ترحيب مايكشف على المستور
وانا ماني وكيل العالم وعارف خفاياها

توكلنا على الله واحتزم دام الخطا مغفور
نبيها صوب راس اللي يهندسها وينساها



مربع #

يدوم الك البقا يالشاعر اللي عايشن الدور
لك الله مانحوس الملعبه والبير غطاهاا

مايحمى البيت لامنه بناه الشخص غير السور
وانا والله خايف من بطن رجلي وممشاهااا




شاعر مبتدي..

لقيت الحاجه اللي طورت من فكري المعمور
ادونها على سطح القمر والناس تقراها

يضيع المرتبك في صيحة وتصفيقة الجمهور
يبي له حاجةً في دربنا ماهوب بوياها




مربع#

لقيت الحاجه اللي مادخلها الشك ولا الزور
ومن غدا بنات افكاره الجزلات عشاها

قبل توقيتنا هذا لعب مطلق مع مستور
ومطلق جابها مير العصيمي حاس معناها




شاعر مبتدي..

اشوف الاستحاله عند بدعي لقمة العصفور
{ماودي نكثر التمجيد دورها وتلقاها}

ما والله انتمعن بالكلام اللي بدون شعور
مانعرف خافي صدور الاوادم لا سمعناها



مربع #

تشوف الاستحاله يوم شبحك قله الناظور
واشوف ان النسور الحايمه ياطيب شرواها

عسى ربي يخلي جدك اللي سلم الباكور
بيمناك التي من جالها بالكيل يملاهااااا



شاعر مبتدي

{اشوف ان الغضب يعمي عيون الشاعر المغمور
 وانا لو تزعل نفوس العرب مادور أرضاها}

طاروق الشاعر مربع والشاعر البتال

مربع..
هشتاقنا  غير  يالبتال  هشتاقهم
ليت السلالم على ظهر الردي ليتها

بتال  ماشافهم  وامربعن  شافهم
والشمس تخفي نجوم الليل ماخفيتها



بتال،،
لو ناصل  اترند كان انضيق اخلاقهم
واهل الردى لو وقفتا ينخرب بيتها

لا ربما ماتناسبنا على اوصافهم
لكن ليت الفرص الخمس صليتها



مربع..
مافادهم ياعميل الخير شواشهم
وسواتهم مابعد  يالذيب  سويتها

لفكار ماحاسها ياكود خشخاشهم
يالله عسى ارسالتي تاتي بتوقيتها




بتال،،
لايحسبونا نبا نرهب من اشنابهم
اشنابهم لو تطول بقدمي اوطيتها

معاد افرق بحرمتهم ورجالهم
لكن هذا الحصيله من سرابيتها


مربع..
برنامج الشعر صار اليوم فشفاشهم
ماودي اطى على الكوره وفشيتهاااا

الله على البيت هذا سد رشاشهم
مات الحصيل وكلا الاحياء مع ميتها



بتال،،
انته لاتلحق عليهم  لوم في اعمالهم
ياراعي الموتر اللي منطفي ليتها

تبي الحقيقه ترا ماتزعج اصواتهم
والله ماتصبح صباح ان كان وليتها



مربع..
اترك  حركاتهم  واظهر  حركاتهم
والصيت مع لولين اللي فنى صيتها

كل الحقايق معي لو طال خشاشهم
وانته ماتجهل حقيقتهم وسريتهااا



بتال،،
اهم حاجه مااشوفك مع لحياتهم
بعدين مااقبل عذر لن كانك خاويتها

لا والله الاغدت بقعاء بهيباتهم
يامربع اظنك بحيلتك غويتها



مربع..
اعمال بعض البشر ماسر شاويشهم
ومن مد لي لحيته بالدهن حنيتهاا

النخله اللي ثمرها هو عشابيشهم
وان كان غديتها من قبل عشيتهاا




بتال،،
انعلمك وانته اتصلح علاقاتهم
ودك بكحلاً لها لكنك اعميتها

يالله عسا بعد هذي تثني اركابهم
الدعوه على اردى الناس خصيتها




مربع..
من قبل اصوغ البيوت المرهيه جاتهم
مني ومنك ورجل العود عنيتهاااا