طاروق الشاعر الشايب والشاعر مطوع القاف

الشايب

سلام وزمول الركايب صرفوها النازلين
واستقنصو مدت يدين العون يوم يمدها
اهديت لمطوع رساله من رياض الصالحين
يكفيه من صدق النوى عين القبول وندها



مطوع القاف

الحظ ياخذ من شعرت معاويه كفن سمين
يامرحبا ترحيبتن كل الدروب تسدها
اهديتني والوقت يجري والامانه للامين
مطوع القاف ان تزهل للعلوم يردها



الشايب

الحظ يرجيه العمر لاكن وداع الراحلين
اصعب من دموع اليتيم الي عجزت تلدها
المشكله صار التبجح و التزام القيمين
مثل الوجوب الي فرايضها تعدت حدها


مطوع القاف

امه محمد يوم بعث الخلق غر محجلين
قل للعباد اللي مزايحها يخالط جدها
من دون مرتبه الشرف زمره تشد الناظرين
مير المطيه وسمها من عام ياسع خدها



الشايب

ماتدري ان العاقبه رضوانها للمتقين
والمرجفون الله يبعدها ويلعن جدها
الحاظر الي ماتقيد في سلوم الاولين
اما يفك السابقه ولا تغانم ودها



مطوع القاف

الفلك بمر اللي يدير الكون رب العالمين
والاقربون اولى بكلمة طيب جيت اعدها
رسم الخيال يصافحه شين من العقل الفطين
وبيوتنا ماكل طرقي في طريقه هدها

طاروق الشاعر الاصمعي والشاعره العنود

بين مكـه والمدينـــه وعبــود وبــرام
البدو يابنت تال الزمن وش حالها

راحو البدوان يالله على الدنيا السلام
ما بقي فديارها الا شموخ اجبالهاااا
الاصمعي



بينها يالاصمعي نحتزم لك بالحزام
والبدو تال الزمن يا ولد يرثاااالهااا

ثلث بدوان الجزيره يحبون الهيام
ما تلاقي غير عبدن يرب ادلالها
العنود



ماتو اللي ياعنيده يردوون الجهام
مابقى في ديارهم غير ذكر رجالها

يابدويه مانبى  نعيد ونزيد الكلام
ويش تبين بديرتن الشقا فسهالها
الاصمعي



انت مثل اللي يدور النوامي فالبشام
كيف ماتو والعرب صيتها بعيالهااااا

في مجال الهرج نحفظ حدود الالتزام
ابدويه بنت ديره واحب ارمااااالهااااا
العنود



جيل تالي ضيعوووها عليه بالحرام
مايسدون اللوزام لاجات طووووالها

ويش بها غير الحصا والتنكد  والظلام
مشكله فكــر البــدو عشقهــا فخبالهــا
الاصمعي



من توسد له حصى يحلم ابريش النعام
ومن تسد اللازمه جمل الله فالهاااااااا

من  محبتها  وربي  عيوني  ما تنااااام
خص لا شفت الهمل سارحه بأطفالهااا
العنود



مايغش الناس  والله سوى كثر الحلام
مير ياليت البدو تنتبه اشوالهاااااااااا

ويش نسوى في عمى القلب لاجاه الغرام
يعشق بكيفه ودنياه ما يصحالهااااااااااا
الاصمعي



لا تطوف وتستعي وانت ما عندك حرام
وانت شيخن تعرف ادقاقها واجلالهااا

المحبه  وقعها  فالضماير  كالحساااام
والغنم لا من غدت فالجبل نرقى لهااا
العنود 

طاروق الشاعر النادر والشاعر مربع

النادر..
سلام يامربعٍ له معانيًّه .. اربع زوايا مقفل بالاطرافي . دوب استوى اللعب يالاجودي دوبه .. الاسم واضح ونعرف معانيه

لاحلك الليل عتمة غداريّه .. ماهو ساري به الا اشوس سنافي .. وديار الافذاذ ماهيب منهوبه ،، لاحلك الليل تفلج غداريّه



مربع#
يامرحبا من هجوسي برديه،،ببيوتك اللي مربع لها شافي
والاجودي لا وصل قوم حيويه،،يامرحبا من هجوسي برديه

سكان سينا قبايل مطاريه،،والعرق ذا الوقت بالعين ينشافي،،
الذيب يسري لياليه فدروبه،،
ويحوف سكان سينا المطاريه


النادر..
نقرا على الراقي ونذبح الحيه ،، ومن الفتن نطلب الشافي الكافي،،
الوقت يمضي والايام محسوبه
لاتامن الدأب والفار والحيه
...
راع المراعي تهنى مراعيه ،،
وانا مانيب اعشق الا انت يالصافي
بعض التجاير من الغش معطوبه
راع المراعي زكاته مراعيه



مربع #
بيشه جبلها للاجواد ماريه،،ولا المهبل بلا نعل ولحافي،،
مجنون من جاه فالبيت صلوبه،،
وبيشه واهلها للاجواد ماريه
...
يالنادر العلم مابعد مناهيه،،بنروح ونجي وهو موترن طافي،،
وليلى لفرسانها اليوم مخطوبه،،
يالنادر العلم قرب مناهيه



النادر..
والنعم فيهم وفيكم سواسيه
الطيب في كل دارٍ له اعرافي
والبيت مبناه طوبه على طوبه
والنعم فيكم وفيهم سواسيه
...
ماشاور العبد والجبو والعيه
قبل المداخل وانا اعرف منكافي
والنَّاس بالناس ماهيب مطلوبه
يقطعك يالعبد والجبو والعيه




مربع#
انتم لبعض الامور انتحاريه،،
من طيبكم طابت النفس يالوافي،،
وافين والشخص طيبه من اسلوبه،،
من طيبكم تقدمون انتحاريه

طاروق الشاعر مربع والشاعر الشايب

سلام الله واشوف الشايب اللي للعشر طلاب
عسى فالعشر ليلة خير باذن الله يصادفها

بعدها لا توضى واعتكف صلى ورى المحراب
سفينة خير جعله لا انتهى يحفظ مجادفها

مربع


هلا يامرحبا والي بقى في مرتع الاجناب
بدايات الاواخر عشر تجرحني مشارفها

من التقوى يعززك الضمير الصادق الكذاب
لو ان اكثر مشاريه الوساطه في معارفها

الشايب


يدوم الك البقا قد قيل مافوق التراب تراب
ولا تغتر من نفسك ومن ناس وسوالفها

طلبنا الله من التقوى وزدنا بالدعاء ماطاب
ورجل ابليس من بينك وبين الثوب شايفها

مربع


تمذلاق المواجه حط فوق الصامتين حجاب
ولاكن لاتوضــح قيمتك حتــى تـــوالــفهــا

بعد كثر التشدد صار لدعوه ثمان اسباب
واهم اسبابها كره العقيده في تحالفها

الشايب


ابو زيد الهلالي فايتن عصره وعصره ذياب
والى ذلحين عاصب غترتك والقوم حايفها

من الطيب على الطيب حقوق وننصح الكتاب
ولا تحكم على نفس العزيز اخفى حسايفهاا

مربع


تموح اشناق حجتك القديمه والعتاب حساب
ليا قدمــت تقــديــر الخــطــابــه لاتخـالفهــا

لك الله مانفك لطيب ذاتك لتعدي باب
وانا بدحر ذلول الشر واطيح سفايفها

الشايب


فنونك بالخــطابه مايــدر الديــس للحــلاب
وانا من عصر حالب ناقة الساحل وعايفها

نصحنا الشايب العايب وباقي في جماه انياب
مصــدق مابـدر من نفــســه القشــرا وخـايفـها

مربع


من الترباس حصلت الخلل في مقدم الضراب
واثر موتــك من اصحــاب العزاوي مايشــرفها

الشايب 

طاروق الشاعر العيه والشاعره العنود

اسمحوا لي ودي العب مع عنود الصيد ساعه
والمعاني عند اهلها والسوالف عنداهلها
طلقت البندق من العبرود عقبها السراعه
ولا يبرك للحمول الكايدات الاجملها
  العيه



اسمحو له وافسحو له لو يلاعبكم جماعه
والقمم يا صحابنا ما كل رجالن يصلها
انت يالعيه من اصوات البنادق فيك راعه
مير لا جاتك عباريد البنادق تحتملهااااا
العنود



الذهب غالي وكلٍ منه يبغى له  طماعه
والخليه واهني اللي يبا يلحس عسلها
لو حمد حاول  من السلعه يحصله قماعه
سلعة ٍ حرمه ولا يقتع ولا يبغا بدلها
العيه




الله اغلى من كنوز الارض يا راع الوداعه
وراعي الدنيا جنان الخلد ما قالو دخلها
لو حمد ياخذك للدكتور وتجيب الاشاعه
في ضميرك بنت من عامين والقلب إيحملها
العنود




اطلب الله وارفع ايدنك ويالله الشفاعه
النفوس تموت وتحصل ليا ماتت عملها
الشقا لهل القنص والصيد له طرد ولاعه
والبلا فاللي ركز ساقه وكبده ماغسلها
العيه




تحت حكم الله وامره يا ولد سمعن وطاعه
وانت والله ما تحفظ الا رقومن تتصلهااااا
مانت يالعيه من اهل الصيد واصحاب الطواعه
تصبح وتمسي ونفسك من جهلها في جهلها
العنود




لاتحسبن الغلا بين العرب شريه وباعه
  والتوافق زين وكبود العرب ضميا وولهىا
البري عنده من التهمه ليا شا ء الله مناعه
والدروب العوج شرهتها على اللي ماعدلها
العيه




الغلا فأخر زمان الناس متحول لكاااعه
ماتت ابه النيه البيضاء والايام اتحفلها
المحيط اللي عليه العيه ايرفرف شراعه
يا عسى بقعا تكفل به او انه يكتفلها
العنود

طاروق الشاعره العنود والشاعر الاصمعي

سلام الله يالجمع الغفير بساعة الاشراق
تجمعنا ولكن العيون اتصاررررع النومه
الا يالنوم تكفى لا تناقشنا بدون اخلاق
عشان انكمل الشهر الفضيل ونقدر انصومه
العنود


هلا يامرحبا ترحيبتن من خاطرن ماضاق
على عز وشرف والناس عند الناس محشومه
عسانا يالعنود انصوم شهره ربنا الرزاق
وبنيادم في هالدنيا ترا كلن ومقسومه
الاصمعي


عسى فيك البقاء ياللي تراحيبك من الاعماق
وهذي هي عوايد من يحفظ الطيب واسلومه
بنادم في حياته ما كفر بموزع الارزاق
ولا مني نشدته عن صلاته ضاعت اعلومه
العنود


عوايدنا ترا درب الرداء والله لها ماعاق
وسوق الجزل يابنت العرب نغلي له السومه
بنادم كان للحمول الزمن في دنيته ماطاق
يبى يلقى العنا في دنيته والنفس محرومه
الاصمعي



الا والنعم فيك وفالطبوع اللي على ما لاق
{بنوك الجزل ما يدخل بها من فيه جرثومه}
نشوف الخير في كبد المزون ونرقب البراق
وبعض احيان نرضى بالسماء لا صكت اغيومه
العنود


على سلم النشاما يالعنود الاصمعي ماباق
اعرف اللي يمد الطيبه واللاش مالومه
الخير مقبل والحيا يابنت من بارقه ساق
بانت لعشاق الحيا يابنت جرت اوسومه
الاصمعي


انا يالاصمعي بنت ابدوين له غنم وانياق
حلاله ما غدا دام الابل بالوسم موسومه
العنود